اتعبت نفسي وجوالـي وأنـا افـره
عليك ياللي ماعـاد اتطيـق جوالـي
ادق واسأل عن أحوالـك كـذا مـره
من طيبتي كل مامريـت فـي بالـي
ماكنت احسبك عديم إحساس بالمـره
مستخسر إنك ترد تسأل عن أحوالـي
والله وطلع لك اسـم ياتابـع الجـره
ماكنك اللي ربيت اسنين في ظلالـي
أصغر من إنك تذل القلـب وتضـره
كافي معك ضاعت اسنينه على الخالي
قل للسنيـن العـذر لاعـاد تتشـره
في عـز ماضقت ماحصلتـك قبالـي
خليتني والوجيـه البيـض مسمـره
تضحك علي الليالي بوجـه عذالـي
لكن وعد لشتـري لـك ورد واثـره
على فراقك واسـوي حفـل بلحالـي
واحرق هذاك الزمن وافتك من شـره
واعيش عمري بلا همـي وغربالـي
صدقني ماضقت من فرقـاك بالمـره
بس ماذبحني سـوى حاجـة بجوالـي
تدري وش اللي ذبح قلبي من الحـره
إني مخزنـك فـي جوالـي الغالـي
